[看後感 少劇透] 蜘蛛俠：不戰無歸 (Spider-Man: No Way Home)

　　背負住＂能力越大責任越大＂包袱既蜘蛛俠返嚟勒～IRONMAN歸土之後MARVEL又有新片出啦，由IRONMAN交左棒比SPIDY繼續走落去，而劇中用左平行時空做架構去發展同漫畫結尾一樣。雖然沒變異左既蜘蛛俠，沒黑蜘蛛，又沒有錢蜘蛛俠，又沒廢人蜘蛛俠，但我覺得已經好完滿咁串通左一系列既蜘蛛人電影。唔覺得是由一開始就編排好既野，但是比編劇諗到咁去串通返真是要比個讚佢。

　　其實廿幾年前睇蜘蛛俠時，佢去到平行時空是有見過一個有錢蜘蛛俠（就好似IRONMAN）咁，當時是絶對無IRONMAN哩個人物既。有個比較有趣既平行時空是一個廢人蜘蛛俠，佢是一個演員…沒能力的=_=”。而蜘蛛俠中亦有壞人，記憶中是一隻黑蜘蛛同一隻毒液（即係外星生物）。之後就是大亂鬥。 　　

　　講返套劇前半有太多野要交代返覺得有點沉悶，而主角要奇異博士用咒語把大家忘記誰是蜘蛛俠這個點有點牽強，只不過是想打開時空交錯之門而已，比較有感既是蜘蛛俠同奇異博士之戰鬥，蜘蛛俠三代同堂，蜘蛛俠救左八爪博士免受AI既控制，和解救了其他一眾惡人。其實第一代的演員都老左唔少，但是演出不比新一代既比下去讚。

　　不過我覺得八爪博士同蜥蝪博士都講得好啱既就是你改變左啲野就要付出相對的代價（所以不同時空既蜘蛛人都犧牲咗啲野 ）。如果你只是一個MARVEL迷而不是蜘蛛迷其實可以不用咁快追看，雖然好多人都話睇到好滾動。睇下之後會不會有講述其他時空如何被影響。不過報紙老闆有句都錯唔曬，就是咁大壇嘢都係蜘蛛俠搞出黎嘅。如果你是蜘蛛俠你又會唔會阻止奇異博士送返其他時空既惡人？